Koordinatdetektivarbeid

Eg kan no titulere meg sjølv som koordinatdetektiv og bachelor i utviklingsstudier med spesialisering i geografi. Bortsett frå ein liten formalitet om å få putta overflødige studiepoeng frå noreg inn i manglande studiepoeng frå Peru, så er eg ferdig med UiB for denna gong. No må gjera meg klar til å betale ned på studielånet. Det er verre.

Sommarferien varte den halvanna veka eg var i Vinje. Då hadde ingen andre venner kome heim, bortsett frå Åsne som kom nest siste dagen. Så bar det tilbake til Bergen, men her var det ingen att, for alle hadde reist heimatt.

Sommarjobben min går i aller kortaste trekk ut på å snuse opp koordinatane til heile landets meir eller mindre kjente turistmål som Finn.no har i databasen sin. Det er her er får nytte av detektivkunnskapane mine. Med lupe, kokoshatt (i mangel på sixpence) google og telefonkatalogen på nett finn eg stader som Sputnikmuseet, Vrådal Skisenter og støylar på Lifjell. For ikkje å snakke om utallige gardsturismegardar og campingplassar! Dei koordinatane eg strevar mest med å plassere er til dømes "Telemarkskanalen". Kvar skal ein settje koordinaten til ein kanal som strekkjer seg gjennom eit heilt fylke? Titlar som "molteplukking på Rauland" og "sykkeltur i Vrådal" er og vrine å settje koordinatar på.

Skiing in june

Sesongens siste skitur gjekk i retning Veslenup på Haukelifjell, men me måtte snu tidleg for å rekke bussen vestover til Bergen. Sol, varme og godt skiføre gjorde aller siste eksamensopplading perfekt.

____________________________________________________

El sabado pasado fuimos esquiando por la última vez este año, con sol, calor y condiciones máximas. Despues de esquiar subi el bus para ir a Bergen para tomar el úlitmo examen del bachillerato.

Vinje

Innlevering av feltkursrapport førre fredag og på søndag var eg heime i Vinje. Her går det meste sin vante gang:

- 1 stk. av familien hadde nesten saga av seg veslefingeren. Dermed fekk eg helsa på halve slekta som eg ikkje har sett på to år og besøkt både Oslo og Åsgårdstrand.

- 68 stk. av familiemedlemane i fjøset (+ lam) var klare for å endre omgjevnadene og ville til fjølls. Dermed har eg fått jaga, lempa og køyrd firbeinte i to dagar, og bjøllene har fått tilbake sin gamle jobb.

- Det er regn. Det er tåke. Det er mystiske lydar om natta. Det er god mat om dagen. Det er trivlege naboar. Det er øl og vin og sjokolade. Det er ingen grunn til å klage.

- Det er sesongens siste skitur i morgon, for då blir det sol. Turen går frå Haukelisæter, så får me sjå kor langt me kjem før bussen kjem.

- Det er eksamen og bacheloren i boks (får ein håpe) på måndag.