Malaga og Granada

Her kjem første oppdatering på Middelshavsfartinga.

Eg flaksa aleine i frå Bergen ein tysdags ettermiddag fordi reisekammerat Runa måtte halde seg i Noreg eit par dagar til av familiære grunnar. Det førte til at eg budde saman med Inma, foreldra hennes, ein bror og ein gal katt til Runa kom på torsdag. Det var fantastisk å snakke spansk att...i alle fall blei det fantastisk då eg fekk henta spansken fram frå gløymeboka att. I tillegg fekk eg privat guide til Malagas strendar og severdigheitar. Ikkje dårleg berre det.

Runa kom saman med den varme vinden. For å sjå på situasjonen med ein positiv vinkling så er eg ganske glad eg slepp å sykle rundt i 35 varmegrader. Reising med Runa er heller ikkje å forrakte. I dag tok me bussen til Granada, der me svinga innom Alhambra (sjå bilde). Det er eit slott som blei bygd av maurarane på 1200-tallet. Der er det fontener, parkanlegg, kanoner, slott og flotte utskjeringar. Vel verdt eit besøk dersom ein har tolmod til å koma seg gjennom fleire lange køar.

I kveld skal me eta så tapasen tyt ut av øyro. Det blir kjekt, det!